كلام مهم لكل بنت

بصي ياست البنات ياللي اهلك تعبوا في تربيتك وابوكى واخوكى نفسهم يتشرفوا بيكي في كل مكان كوني دايما اد المسؤلية دي وشرفيهم فعلا .

لكل بنت صدقيني كلام اللي هيتقال ده ممكن يكون اتكرر كتير بس بجد لازم كل شوية حد يطلع يوعي وحد يطلع يفكر ان التذكرة تنفع المؤمنين ، مش عيب انك تحبي ومش عيب انك ترتبطي بس المهم هحب مين وهرتبط بمين وهل اللي هحبه ده هيحافظ عليا هيديني اكتر ما ياخد مني طبعا الحب بيجي من غير اذتأذان بيخش القلب كده عالطول طب نعمل ايه ونتصرف ازاى ونحب مين وامتي ...

اوعي تسلمي قلبك لواحد مش حلالك اوعي هتتمرمطي هيسقطك من نظره اول ما هتحبيه خلاص هتبقي زى اي واحده وهيدور علي غيرك 

لو سلمتي قلبك لواحد حبتيه وحبيته بجد من قلبك ونفسك تتجوزيه هيبهدلك وهيمرمط بكرامتك الارض وهايبقا متلذذ باللي بيعمله فيكي لانه خلاص خد اللي هو عاوزه ضمنك ملكك هيدور علي غيرك انتي بقا هاتفضلي تلفي حولين نفسك هاتبقي عاوزاه هايبقا نفسك فيه بعد هتجرى وراه بعد ماهو اللي كان بيجرى وراكى ونفسه بس تبصيله او يسمع صوتك اللي يحبك بجد اعرفي كده اللي يحبك بجد من قلبه عمره ما تهوني عليه ان يبهدلك ولا يعرضك ان تعملي حاجه غلط ولا حاجه في السر اللي هيحبك بجد هيتقدملك هيدخل البيت من بابه غير كده بيتسلي بيكي افهمي واكبري وحكمي عقلك اللي هيحبك من قلبه هيدخل بيتك قدام اهلك هيرفع راسك وراس ابوكي لكن اللي يجرى وراكي في الشارع وقعدة الكافيهات ده سيبك منه الحقي نفسك لان فترة وهيزهد وانتي اللي هتفضلي تتصلي انت مش بتكلمني ليه انت مش بتحبني انت معنتش زي الاول معايا وتفضلي تعيطي وتنكدي علي نفسك وتكتئبي ليييه ادخل نفسي في الدوامه دي لييه كرامتك ياحبيبتي فوق الكل متقوليش ان الحب مفيهوش كرامه لااا اوعي تفكرى كده هتاخدي علي دماغك في الاخر كرامتك فوق الكل كرامتك اللي باقيه ليكي كرامتك ان هو يجي يتقدم ليكي ميمشيش معاكي زى الحراميه كرامتك انك متنوليش دمعه ولا تحزني علي حد بيلعب بيكي احفظى نفسك عشان اهلك وعشان ربنا .

مبقولكيش متحبيش لا طبعا حبي وعيشي حياتك وافرحي لانك تستحقي انك تفرحي 

بس تحبي مين بقا حبي ربنا اولا وقربي منه اوى لان قربك من ربنا هيصونك ويحفظك مهما مريتي بظروف 

حبي اهلك اللي بيحبوكى اكتر من اي حد في الدنيا اوعي تفكرى وتقولي انهم بيضيقوا عليكي ولا بيتحكموا فيكي حطي نفسك مكانهم لو ليك بنت هتعملي معاها ايه هتخافي عليها ازاي هتسبيها كده ولا هاتبقا عنيكي في وسط راسك مش تضيق لاا حب وخوف حبيهم لانهم يستحقوا تحبيهم اكتر من اي حد تاني لانهم بيحبوكى اكتر من نفسهم بجد لما تتجوزي حبي جوزك اللي صانك ودخل بيتك ورفع راسك حبيه وعيشي معاه واعملي معاه كل حاجه نفسك فيها وعيشي اللي معيشتهوش حبي صحابك اخرجى معاهم حبي شغلك حبي قرايبك حبي نفس وبلاش تبهدليها معاكي 

كلمه اخيره اللي انتي هتحبيه ده وهتضحي عشانه وهتبدلي نفسك عشانه لو جتله فرصة احسن منك هيسيبك ويروح لغيرك 

بلاش تعملي حاجه تغضب ربنا وتغضب هلك وتزعلك بلاش تجرحي نفسك وتجرحى قلبك عشان انتي حلوه خليكي حلوه زى ما ربنا خلقك .