العلاقة مع شخص نرجسي
mnw3at العلاقة مع شخص نرجسي دي علاقة مستهلكة ومستنزفة علي كل المستويات ..
الاسم مشتق من نارسيساس ، وهو كان شاب اغريقي وسيم وجميل ، وكان يتباهي بجماله الي الحد الذي كان ينظر به الي الناس باحتقار ، لانهم ليسوا علي نفس درجة جماله .
حد من اهل بلده وداه النهر وخلاه يشوف جماله علي سطح الماء ،نارسيساس انبهر وفضل يتأمل جماله لفنرة طويلة جدا لغاية ما مات من حبه المريض لنفسه ، طب اجنا ليه بنقول المقدمة دى كمل قراءة وانت هتفهم ،،،
العلاقة مع شخص نرجسي
mnw3at في العلاقةمع الشخص النرجسي دي هتلاقي نفسك مع حد بيحب نفسه جدا ، طبعا مفيش حد فينا مش بيحب نفسه بس الشخص النرجسي بيحب نفسه وبس وبيعبد نفسه ويقدسها لاقصي درجة وشايف ان مفيش حد او حاجه اهم من نفسه في الدنيا ،وان هو ليه الاولويه علي اي حد واي حاجه مهما كانت .
هتلاقي نفسك في علاقة مع حد بيتكلم عن نفسه كتير جدا ، شايف ان كل حاجه بيعملها مهمه ، كل خطوة بيخطيها ليها معني ، وانه يستاهل اكتر بكتير من اللي هو فيه دلوقت .
حد مستعد يضحي باي حاجهmnw3at في اي وقت عشان خاطر نفسه مستعد يرمي اي حد وراه ، مستعد يدوس علي اقرب واحب الناس ليه ، عشان يطلع سلمه واحده لفوق ، او خطوة واحدة لقدام .
يقاطعك في الكلام عشان هو يتكلم وانت تسمع بس ، مايلتزمش بأي قواعد أو مواعيد او اعراف او قوانين ، لانه شايف نفسه اكبر منها وانها متنفعش تتطبق عليه .
مايرعيش مشاعرك ولا احساسيك ، في نفس الوقت اللي يطلب منك تراعي مشاعره واحساسيه .
طول الوقت شايف نفسه احسنوعايز يبقا الاحسن والافضل في كل حاجه طول الوقت .
مغرور واناني و منفوخ ومتعجرف وعامل نفسه ملك الغابة ..
بيتباهي كتير بكلامه ومظهره وطريقته ودماغة وقدراته ، وعاوزك وعاوز الناس دايما تشوفه ملك الغابة الطاووس ابو ريش ملون
عاوز العالم يدور حواليه ، ومستني منك ومن كل ناس الي حواليه الاحترام والتبجيل والتقدير بمناسبه ومن غير مناسبه .
نيجي بقا للنقطة المهمه اللي هيا ان هو عنده قددره كبيره جدا علي الاقناع ممكن يحسسك انك اميره الاميرات وساحرة الساحرات واول ما يوصل لغرضه تبي عنده زي اي واحده في الدنيا ويرميكي تحت رجليه والكلام العكس برضو بالنسبه للراجل يعنى اول لما توصل لغرضها هترميك تحت رجليها .
اوعي تقولي كلمة لأ لو اتقالت تبقا مصيبه لو حد انتقده يضايق ويكتئب بسرعه وممكن يغضب لمجرد انك شككت في كلامه
ممكن يستخدمك او ستخدم اي حد عشان يوصل للي هو عاوزه
لو لقيت نفسك في علاقة مع الشخص النرجسي
خد ديلك في اسنانك ..
واجررررري
تعليقات
إرسال تعليق